Por que cando un home famoso ten problemas de adicción adoita ser “un rebelde” ou “un supervivente”, pero cando lle pasa a unha muller hai xuízo, vergoña ou a idea de “ter tocado fondo”? As adiccións non existen fóra da sociedade. E os medios non só informan: tamén moldean como as entendemos. As investigacións demostraron durante anos que a linguaxe sobre as adiccións segue sendo moi estigmatizante. Palabras como “adicto” ou “drogadicto” reducen a unha persoa á súa enfermidade. Pero ademais, o estigma non afecta a homes e mulleres por igual. As mulleres con problemas de consumo adoitan recibir máis xuízo moral, máis culpa e máis acusación social. E isto importa, porque o estigma afecta como vemos ás persoas… e tamén como as tratamos e acompañamos. Falar de adiccións tamén implica revisar os nosos prexuízos.
